Azərbaycan News Agency

Ursula fon der Lyayen dedi: "ABŞ-ın Avropa polad və alüminium ixracına tarif tətbiq etmək qərarından dərin təəssüf hissi keçirirəm.

Tariflər vergidir. Onlar biznes üçün pis, istehlakçılar üçün isə daha da pisdir.

Aİ-yə qarşı ədalətsiz tariflər cavabsız qalmayacaq. Onlar qəti və mütənasib əks tədbirləri işə salacaq.

Aİ iqtisadi maraqlarını qorumaq üçün hərəkətə keçəcək. Biz işçilərimizi, müəssisələrimizi və istehlakçılarımızı qoruyacağıq."

Digər tərəfdən, Almaniya kansleri Olaf Şolts bu səhər Almaniya parlamentində ABŞ-ın gömrük tarifləri ilə bağlı çıxışında dedi: "Əgər ABŞ bizə başqa seçim verməzsə, Aİ vahid şəkildə cavab verəcəkdir. 450 milyon vətəndaşı olan dünyanın ən böyük bazarı kimi bunu etməyə gücümüz var.

Ancaq tariflər və əks tariflər kimi səhv istiqamətlənmiş yollardan çəkinəcəyimizi ümid edirəm. Axı, ticarət müharibələri həmişə hər iki tərəf üçün rifah itkisinə səbəb olur."