Azərbaycan News Agency

Fon der Leyen bildirib ki, Aİ radikal nazirlərə və zorakı məskunlaşanlara qarşı sanksiyaların tətbiqini və İsraillə ticarət imtiyazlarının dayandırılmasını təklif edib.

O vurğulayıb ki, təkliflər İsrailə göstərilən ikitərəfli dəstəyin dayandırılmasını, lakin İsrailin vətəndaş cəmiyyəti və ya Yad Vaşemlə əməkdaşlığa təsir etməməsini nəzərdə tutur və əlavə edib: “Qəzzada hər gün baş verən dəhşətli hadisələr dayandırılmalıdır. Dərhal atəşkəs əldə olunmalı, bütün humanitar yardımlara məhdudiyyətsiz çıxış təmin olunmalı və Fələstin İslam Müqavimət Hərəkatının əlində olan bütün girovlar azad edilməlidir.”

Fon der Leyen həmçinin vurğulayıb ki, Aİ humanitar yardımların ən böyük donorudur və İsrail hökumətinin İordan çayının qərb sahilindəki son məskunlaşma addımları ilə sarsıdılan iki dövlətli həllin dönməz tərəfdarı olaraq qalır.