Azərbaycan News Agency

Almanlar Ruanda hökumətindən bu qrupa dəstəyi dayandırmasını və qoşunlarını Konqodan geri çəkməsini tələb edirlər. M23 hərəkatı yanvar ayından etibarən Ruandanın müttəfiqləri ilə birlikdə Konqo hökumətinə qarşı genişmiqyaslı hücuma başlayıb və şəhərləri bir-bir ələ keçirir.

Almaniyanın İnkişaf Naziri Svenja Şultze bazar ertəsi günü Almaniyanın Ruanda ilə yeni iqtisadi əməkdaşlığı dayandıracağını və ölkəyə hazırkı inkişaf yardımını yenidən nəzərdən keçirəcəyini açıqladı. O bildirib ki, Almaniya ənənəvi olaraq hər il Ruandaya peyvəndin inkişafı, iqlim dəyişikliyinə qarşı mübarizə və iqtisadiyyatı gücləndirmək üçün təxminən 50 milyon avro ayırır.

Ruanda Xarici İşlər Nazirliyi sosial media platforması X-də paylaşdığı bir mesajda Almaniyanın reaksiyasını "qorxaqlıq" kimi qiymətləndirib və bunu Konqonun şərqindəki silahlı qrupların yaratdığı təhlükəyə qarşı laqeydliyin bir göstəricisi kimi dəyərləndirib. Xüsusilə, 1990-cı illərdə Ruanda soyqırımında iştirak etmiş Hutu qrupu olan Ruanda Demokratik Qurtuluş Qüvvələrinin (FDLR) Konqoda mövcud olduğu və hökumət dəstəyindən faydalandığı vurğulanıb.