Azərbaycan News Agency

Şura tərəfindən verilən açıqlamada bildirilib ki, Nikaraquadakı vəziyyətlə bağlı məhdudlaşdırıcı tədbirlər 15 oktyabr 2026-cı ilədək uzadılıb.

Açıqlamada qeyd olunub ki, mövcud məhdudlaşdırıcı tədbirlər ümumilikdə 21 nəfər və 3 qurumu əhatə edir: “Siyahıda olan şəxslərin əmlakı dondurulub və Aİ vətəndaşlarının və şirkətlərinin onlara vəsait ayırmaları qadağandır. Bundan əlavə, siyahıda olan şəxslər Aİ ərazisinə giriş və ya tranzit keçidi yasaqlayan səyahət qadağasına tabedirlər.”

Açıqlamada həmçinin Aİ-nin Nikaraquada əsas azadlıqların bərpası, qalan bütün siyasi məhbusların azad edilməsi və beynəlxalq insan haqları təşkilatlarının geri dönüşü çağırışını təkrarladığı vurğulanıb:

“Bundan əlavə, vətəndaş məkanına qoyulan məhdudiyyətlərə son qoyulması, müxalifət hüququna hörmət edilməsi və Nikaraqua daxilində və xaricində hər cür təzyiqlərə son qoyulmasının vacibliyi vurğulanır. Aİ, Nikaraquanı BMT və İnsan Haqları Şurası da daxil olmaqla digər əsas beynəlxalq qurumlarla əməkdaşlığı bərpa etməyə dəvət edir.”