Azərbaycan News Agency

Mərasimdə Azərbaycan Prezidenti İlham Əliyev və Çin Xalq Respublikasının Sədri Si Cinpin iştirak ediblər. Əvvəlcə dövlət başçıları “Azərbaycan Respublikası ilə Çin Xalq Respublikası arasında Hərtərəfli Strateji Tərəfdaşlığın Qurulmasına dair Birgə Bəyanat”ı imzalayıblar.

Xarici işlər nazirləri Ceyhun Bayramov və Van Yi aşağıdakı sənədləri imzalayıblar:

“Ümumi pasport sahibləri üçün qarşılıqlı viza rejimindən azadolma haqqında saziş” və “Azərbaycan Minatəmizləmə Agentliyi ilə Çin Xarici İşlər Nazirliyi arasında humanitar minatəmizləmə sahəsində əməkdaşlığın gücləndirilməsi haqqında Anlaşma Memorandumu”.

Baş nazirin müavini Şahin Mustafayev və Van Yi “Azərbaycan Respublikası ilə Çin Xalq Respublikası arasında cinayət işləri üzrə qarşılıqlı hüquqi yardım haqqında saziş”i imzalayıblar.

Həmçinin Şahin Mustafayev və Çin Beynəlxalq İnkişaf Əməkdaşlığı Agentliyinin sədri Çen Şiaodunq arasında “Texniki və iqtisadi əməkdaşlıq haqqında saziş” imzalanıb.

İmzalanmış sənədlər Azərbaycan və Çin arasında siyasi, iqtisadi və humanitar sahələrdə əməkdaşlığı əhəmiyyətli dərəcədə dərinləşdirəcək və strateji tərəfdaşlıq üçün möhkəm zəmin yaradacaq.