Azərbaycan News Agency

Fələstin Baş naziri və Xarici işlər naziri Məhəmməd Mustafa Qəzza zolağında dərinləşən humanitar fəlakət qarşısında dünyanın susqunluğuna görə dərin kədərini ifadə edib.

Mustafa deyib: “Qəzza zolağında vəziyyətin bu dəhşətli səviyyəyə çatmasına imkan verilməsi inanılmaz və ağlasığmazdır. Bəşəriyyət iflasın astanasındadır. Bu dövrdə, bu əsrdə xalqımızın aclıqdan ölməsinə dünyanın göz yumması tamamilə qəbuledilməzdir və biz bunu açıq şəkildə rədd edirik. Bu dözülməz vəziyyətə son qoymaq üçün səsimizi ucaltmağa və əlimizdən gələni etməyə davam edəcəyik. Bu vəziyyət təkcə qeyri-insani deyil, həm də mənəvi və siyasi baxımdan qəbuledilməzdir.”