Azərbaycan News Agency

BMT-nin açıqlamasında bildirilir ki, hər gün 6000-dən çox insan viral hepatitə yoluxur. Bu xəstəlik dünyada ikinci ən çox ölümə səbəb olan yoluxucu xəstəlikdir və hər il 1,3 milyon insanın həyatına son qoyur.

Dünya Səhiyyə Təşkilatının açıqlamasında isə deyilir: “Xroniki B və C hepatiti qarşısı alına bilən, müalicə olunan və C hepatitində olduğu kimi sağala bilən xəstəliklər olsa da, səssizcə qaraciyəri zədələyir və xərçəngə səbəb olur. Mövzu hepatit xidmətlərinin (peyvənd, təhlükəsiz iynə praktikası, zərərin azaldılması və xüsusilə test və müalicə) milli səhiyyə sistemlərinə inteqrasiya olunmasının, sadələşdirilməsinin və genişləndirilməsinin vacibliyini vurğulayır.”