BMT-nin UNRWA agentliyi: Qəzzaya genişmiqyaslı yardım çatdırılmasına icazə verilməlidir
Cenevrə, 15 oktyabr (Hibya) – Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İş Agentliyi (UNRWA) Qəzzadakı humanitar ehtiyacların təcili xarakter daşıdığını vurğulayaraq, bölgəyə genişmiqyaslı yardımın çatdırılmasına icazə verilməsinə çağırıb.
UNRWA-nın bəyanatında qeyd olunur ki, agentlik Qəzza ərazisində ehtiyacı olan insanlara birbaşa və etibarlı şəkildə həyati yardım göstərmək imkanına malikdir.
“UNRWA-nın bölgədəki çıxışı, şəbəkəsi və etibarlılığı sayəsində yardım birbaşa ehtiyacı olanlara çatdırıla bilər. Təcili ehtiyacları ödəmək üçün UNRWA-nın Qəzzaya genişmiqyaslı humanitar yardım göndərməsinə icazə verilməlidir. Qoy biz işimizi görək,” – deyə bəyanatda qeyd olunub.
Azərbaycan İnformasiya Agentliyi
Facebook
Tweeter
Whatsapp
