Azərbaycan News Agency

Budris qeyd edib ki, Çin texnologiyada üstünlük əldə etmək üçün ticarət və sənaye siyasətlərindən istifadə edir.

O əlavə edib ki, avtoritar təsirin yayılması da qaçılmazdır: “Bu, Aİ üçün ciddi problemdir və qətiyyətlə həll edilməlidir.”

“Ədalətsiz ticarət təcrübələri, həddindən artıq istehsal, bu istehsalı dəstəkləyən böyük subsidiyalar və Çində qapalı daxili bazar — bu gün qarşılaşdığımız iqtisadi reallıq məhz budur. Aİ bu çətinliklərə səmərəli cavab vermək üçün əlində olan alətlərdən tam istifadə etməlidir,” – deyə Budris bildirib.

O vurğulayıb ki, heç bir üzv dövlət Çinlə təkbaşına üz-üzə qalmamalıdır: “Avropa Komissiyası xüsusilə ədalətsiz təcrübələrə məruz qalan zaman hər bir Aİ üzvünün maraqlarını qətiyyətlə müdafiə etməlidir.”