Azərbaycan News Agency

Budris qeyd edib ki, gömrük rüsumları tarix boyu real iqtisadi çətinliklər üçün heç vaxt səmərəli həll yolu olmayıb.

O vurğulayıb ki, Aİ beynəlxalq qəbul olunmuş qayda və normalara əsaslanaraq hər zaman ədalətli ticarəti qətiyyətlə dəstəkləyib və əlavə edib:

“Mövcud şəraitdə ABŞ-la münasibətlərdə hər hansı bir gərginliyin artmasının qarşısını almaq həyati əhəmiyyət daşıyır. Qarşımızda həm geoiqtisadi, həm də geosiyasi baxımdan əhəmiyyətli ortaq çağırışlar durur ki, bu da sıx əməkdaşlıq və konstruktiv yanaşma tələb edir.”

Budris sonda qeyd edib ki, məhz bu səbəbdən Litva Avropa Komissiyasını dialoq və danışıqlar yolu ilə balanslı və konstruktiv həll yolları tapmaq səylərində tam dəstəkləyir.