Azərbaycan News Agency

Çin Baş Gömrük İdarəsi (GACC) tərəfindən açıqlanan məlumatlara görə, 2024-cü ilin ilk 6 ayında ölkədəki mal ixracı və idxalı həcmi ötən ilin eyni dövrü ilə müqayisədə 6,1% artaraq rekord səviyyəyə - 21,17 trilyon yuana (təxminən 2,98 trilyon dollar) yüksəlib.

Eyni dövrdə Çinin ixrac həcmi 6,9% artaraq 12,13 trilyon yuana, idxal həcmi isə 5,2% artaraq 9,04 trilyon yuana çatıb. Yanvar-iyun ayları arasında Çin ilə ASEAN ölkələri arasında ticarət həcmi 10,5% artaraq 3,36 trilyon yuana yüksəlib. ASEAN Çinin ən böyük ticarət tərəfdaşı statusunu qoruyub saxlayıb. Çin ilə ABŞ arasındakı ticarət həcmi 2,9% artaraq 2,29 trilyon yuana çatıb. Çin ilə Bir Kəmər və Yol istiqamətindəki ölkələr arasındakı ticarət həcmi isə 7,2% artaraq 10,03 trilyon yuana yüksəlib.