Azərbaycan News Agency

Nazirliyin yaydığı açıqlamaya görə, tərəflər nüvə danışıqları və sanksiyaların yumşaldılması ilə bağlı son hadisələri nəzərdən keçirib və MAQ-nın İranla bağlı yeni hesabatını müzakirə ediblər.

Əraqçi İranın MAQ ilə davamlı əməkdaşlığını vurğulayıb və bütün nüvə fəaliyyətlərinin agentliyin nəzarəti altında və təhlükəsizlik tədbirləri razılaşması çərçivəsində aparıldığını bir daha təsdiqləyib.

O, İranın nüvə fəaliyyətlərində və materiallarında heç bir sapma olmadığını qeyd edərək, Qrossini faktları düzgün əks etdirməyə və bəzi tərəflərin agentliyi İran xalqına qarşı siyasi məqsədlərlə istifadə etməsinin qarşısını almağa çağırıb.

Əraqçi həmçinin Qrossidən gələn həftə keçiriləcək İdarə Heyəti iclasında İranın agentliklə əməkdaşlığını açıqlamağı və siyasi motivli hər hansı hərəkətin nəticələrini vurğulamağı xahiş edib.