Azərbaycan News Agency

Fələstin Xarici İşlər Nazirliyinin bəyanatında qeyd olunub ki, Qəzzada mülki vətəndaşların bombalanması və yandırılması qarşısında beynəlxalq ictimaiyyətin susqunluğu mənəvi və hüquqi bir uğursuzluqdur.

Bəyanatda İsrail işğalına dəstək verən, işğala kütləvi qırğın və soyqırımı silahları təmin edən ölkələrin məsuliyyət daşıdığı vurğulanıb.

“İsrail hökumətinin cəzasız qalmağa davam etməsi onu daha çox cinayət törətməyə təşviq edir – bu cinayətlər səs və görüntülərlə sənədləşdirilərək dünyanın, o cümlədən insan hüquqları və iki dövlətli həllə sadiq olduqlarını iddia edən ölkələrin gözü qarşısında baş verir. Nazirlik, başda işğala dəstək verənlər olmaqla beynəlxalq ictimaiyyəti bu dəhşətli cinayətlərə görə tam məsuliyyət daşıyıcısı hesab edir və bunları bütün bəşəriyyətin alnında bir ləkə kimi görür.”