Azərbaycan News Agency

The Guardian qəzetinə görə, #BoycottUSA etiketi sosial şəbəkələrdə geniş yayılıb və tədqiqatçılar bunu ABŞ-ın Avropadakı üçüncü ən böyük ticarət tərəfdaşı olan Fransadakı “tarixi imic çökməsi” kimi qiymətləndiriblər.

Coca-Cola, McDonald's, Tesla, Starbucks, KFC və X kimi brendlər boykot siyahısında yer alır. Sorğuda həmçinin Apple, Microsoft, Airbnb, Tripadvisor, Nike və Converse kimi platformalar da yer alıb.

Ifop tədqiqat mərkəzindən Fransua Kraus bildirib ki, Fransadakı istehlakçıların dedikləri ilə əməlləri arasında fərq var.

“İnsanların ABŞ və onun siyasətinə qarşı münasibətlərində dəyişikliklər görürük, lakin onların prinsipial mövqeləri ilə gündəlik davranışları arasında uçurum var,” – deyə Kraus Observer-ə bildirib.

Sorğu göstərib ki, boykotun əsas tərəfdarları sol təmayüllü demokratlar, 65 yaşdan yuxarı şəxslər və aylıq gəliri 2400 avrodan çox olanlardır.

Kraus əlavə edib: “Boykot etdiklərini bildirənlərin üçdə biri əsasən yaxşı təhsil almış, məlumatlı və maddi cəhətdən stabil şəxslərdir və onlar verdikləri qərarlara sadiq qalırlar.”

Sorğu nəticələri göstərir ki, boykota dəstək adətən siyasi fəallıqla əlaqələndirilən sosial qruplardan daha geniş kütləyə yayılıb. Kraus bildirib ki, ABŞ-ın təhsil, istirahət və iş üçün seçilən ölkə kimi populyarlığı son 40 ilin ən aşağı səviyyəsindədir.

Hazırda respondentlərin yalnız 22%-i ABŞ-da təhsil almaq istəyir (2010-cu ildə bu göstərici 48% idi), ABŞ-da yaşamaq istəyənlərin nisbəti 30%-dən 22%-ə düşüb və 15 il əvvəl 37% olan “ABŞ-da işləmək istəyirəm” deyənlərin sayı indi cəmi 20%-dir.