Azərbaycan News Agency

İsrail Prezidenti Hersoq bu gün Vatikan şəhərində Papa XIV Leonun tarixi vəzifəyə başlama mərasimində ölkəsini təmsil edəcək.

Papanın ilk fəaliyyətlərindən birinin artıq 590 gündür Qəzzada girov saxlanılan şəxslərin dərhal azad olunmasına çağırış olduğunu qeyd edən Hersoq deyib: “Ümid edirəm ki, bu papalıq dövrü bütün dinlər arasında yeni əməkdaşlıq dövrünün başlanğıcı olacaq və Müqəddəs Torpaqlarda yəhudilər, xristianlar və müsəlmanlar arasındakı dostluğu daha da gücləndirəcək.”

Mərasimə qatılmaq fürsətinə görə minnətdarlığını ifadə edən Hersoq əlavə edib: “Dünyanın bütün liderləri ilə keçirdiyim görüşlərdə bütün girovlarımızın dərhal evə qaytarılması çağırışını yanımda daşıyıram!”