Azərbaycan News Agency

İranın böhran idarəetmə bölməsinin sözçüsü bildirib ki, limandakı partlayışın səbəbi kimyəvi maddələrin pis saxlanılması olub. Hüseyn Zəfəri ILNA agentliyinə bildirib: "Partlayışların səbəbi konteynerlərdəki kimyəvi maddələr olub." O əlavə edib ki, liman rəhbərliyi əvvəldən bu kimyəvilərin təhlükəsi barədə xəbərdar edilibmiş.

İran hökuməti partlayışın dəqiq səbəbini hələ rəsmi şəkildə açıqlamayıb, lakin alovlanan kimyəvi maddələrin səbəb olduğundan şübhələnir.

Vilayət prokuroru yerli rəsmilərin bir neçə konteynerdə başladığını bildirdiyi partlayışla bağlı "əhatəli və təcili" araşdırma aparılması barədə göstəriş verib.

Şəhid Rəcai limanı İranda hər il 80 milyon ton yükün, o cümlədən yanacaq və digər yanıcı maddələrin keçdiyi böyük bir konteyner terminalıdır. O, ölkənin ən böyük limanı olan Bəndər Abbasın bir hissəsidir.