Azərbaycan News Agency

Xarici İşlər Nazirliyinin məlumatına görə, ABŞ ilə İran arasında aparılan dolayı danışıqların beşinci raundunda iştirak etmək məqsədilə Romaya səfər edən Arakçi, Vatikan Dövlət Katibi Kardinal Pietro Parolin ilə görüş keçirib.

Görüşdə Vatikanın Xarici Əlaqələr Katibi Baş yepiskop Paul Qallagher də iştirak edib. Arakçi görüş zamanı Papa Fransiskin vəfatı münasibətilə başsağlığı verib və Papa XIV Leo-nun seçilməsini təbrik edib.

Arakçi İran xalqının sülh məqsədli nüvə enerjisindən istifadə hüququ və ehtiyaclarına dair İranın mövqeyini izah edib və İran-ABŞ arasında aparılan dolayı danışıqlarda əldə olunan irəliləyişlə bağlı Vatikan rəsmilərini məlumatlandırıb.

Görüş zamanı həmçinin İran və Vatikan arasındakı ikitərəfli münasibətlərin mövcud durumu, dinlərarası dialoqlar və sülh danışıqları müzakirə olunub.