Azərbaycan News Agency

İranın BMT-dəki daimi nümayəndəsi Əmir Səid İravani İsrailin İrana qarşı hücumları ilə bağlı Təhlükəsizlik Şurasında açıqlama verib.

İravani belə deyib:

"Qurbanların çoxu qadınlar və uşaqlar olub. İsrail barbar hücumlarında mülki şəxsləri hədəf alıb. O, həmçinin İrana qarşı hücumlarında bir çox mülki və hərbi obyektləri qəsdən və sistemli şəkildə hədəf alıb. Bu cinayətlər həm qanunsuzdur, həm də qeyri-insanidir."

"Bu planlı və əvvəlcədən təşkil olunmuş hücumlar beynəlxalq hüququn pozulması olmaqla yanaşı, terrorçu bir dövlətin hərəkətləridir."

"BMT-nin, Təhlükəsizlik Şurasının və Atom Enerjisi üzrə Beynəlxalq Agentliyin İranın bütün xəbərdarlıqlarına baxmayaraq hərəkətsiz qalması, İsrailin hücumlarına göz yumması və təxribatlarına qarşı susması bu quldur rejimi cəsarətləndirmişdir."

"İsrailin nüvə obyektlərinə hücumu beynəlxalq hüququn əsas prinsiplərini, həmçinin sağlam düşüncə və vicdanı görməməzlikdən gəlmək deməkdir. Regionda baş verəcək radiasiya fəlakəti yalnız İranla məhdudlaşmayacaq, regional fəlakətə yol açacaq."

"Nüvə Silahlarının Yayılmaması Müqaviləsi, Cenevrə Konvensiyası və bir çox BMT Təhlükəsizlik Şurasının qətnamələri nüvə obyektlərinə hücumları qadağan edir."