Azərbaycan News Agency

İsrail Xarici İşlər Nazirliyinin açıqlamasında bildirilib ki, “Sumud Donanması”ndan Qreta Tunberqin də daxil olduğu 171 fəal İsraildən Yunanıstana və Slovakiyaya deportasiya olunub.

Açıqlamada qeyd olunub ki, deportasiya edilənlər arasında Yunanıstan, İtaliya, Fransa, İrlandiya, İsveç, Polşa, Almaniya, Bolqarıstan, Litva, Avstriya, Lüksemburq, Finlandiya, Danimarka, Slovakiya, İsveçrə, Norveç, Böyük Britaniya, Serbiya və Amerika Birləşmiş Ştatları vətəndaşları var və əlavə edilib:

“Bu ictimai əlaqələr nümayişində iştirak edənlərin bütün hüquqi haqları tam şəkildə qorunub və qorunmaqda davam edəcək. Onların yaydıqları yalanlar əvvəlcədən planlaşdırılmış saxta xəbər kampaniyasının bir hissəsidir.”