İsrail Ordusu: Hizbullaha məxsus düşərgə və obyekt vuruldu
Qüds, 23 oktyabr (Hibya) – İsrail Müdafiə Qüvvələri (IDF) bəyan edib ki, İsrail ordusu Livanın şimalında və Bəqaa bölgəsində Hizbullaha məxsus hərbi düşərgə və dəqiq raket istehsalı obyektinə zərbə endirib.
IDF-nin açıqlamasına görə, qısa müddət əvvəl Hərbi Hava Qüvvələrinə məxsus təyyarələr, Kəşfiyyat İdarəsinin rəhbərliyi altında, Livanın Bəqaa bölgəsində Hizbullahın bir sıra hədəflərini vurublar.
Zərbə endirilən hədəflər arasında Hizbullah üzvlərinin təlim keçdiyi və təşkilat üzvlərinin aşkarlandığı bir düşərgə də olub.
Azərbaycan İnformasiya Agentliyi