Azərbaycan News Agency

Baş nazir Karni bildirib ki, Rusiya dünən gecə Kiyevə "amansız" hücum edib, mülki şəxsləri qəsdən hədəfə alıb və uşaqlar da daxil olmaqla ondan çox insanı öldürüb.

O, vurğulayıb ki, Rusiya Prezidenti Vladimir Putin dialoqa girmək əvəzinə, ukrayna xalqını qətlə yetirməklə zülm altında saxlamaq missiyasını ən dəhşətli şəkildə davam etdirir və əlavə edib:

"Dualarım sevdiklərini itirənlərlədir. Kanada üç ildən artıqdır ki, Rusiyanın müharibəsinin kölgəsində yaşayan Ukrayna xalqı ilə həmrəydir. Bu həftə Kiyevdə dediyim kimi, Kanada Ukraynanın yanındadır: Sizin mübarizəniz bizim də mübarizəmizdir."

Karni əlavə edib ki, Kanada müttəfiqləri ilə birlikdə Ukraynada qətliamların qarşısını almaq və etibarlı təhlükəsizlik zəmanətləri ilə dəstəklənən ədalətli və davamlı sülhü təmin etmək üçün çalışır, "Dünən gecəki hücum isə yalnız bizim qətiyyətimizi daha da gücləndirəcək" deyib.