Azərbaycan News Agency

Kremldən verilən məlumata görə, Rusiya Federasiyasının Prezidenti Vladimir Putin, Belarus Prezidenti Aleksandr Lukaşenko, Qazaxıstan Prezidenti Kasım-Jomart Tokayev, Qırğızıstan Prezidenti Sadır Japarov, Tacikistan Prezidenti Emoməli Rəhmon və KTMT-nin Baş katibi İmanqəli Tasmagambetov məhdud formatda keçirilən iclasda iştirak ediblər.

İclas nümayəndə heyətlərinin iştirakı ilə geniş formatda davam edib. Rusiya tərəfi Xarici İşlər Naziri Sergey Lavrov, Təhlükəsizlik Şurasının Katibi Sergey Şoyqu, Müdafiə Naziri Andrey Belousov, Prezident Administrasiyası Rəhbərinin müavini və Prezidentin Mətbuat Katibi Dmitri Peskov, Prezidentin köməkçisi Yuri Uşakov, Rusiya Federasiyasının Qazaxıstan Respublikasındakı fövqəladə və səlahiyyətli səfiri Aleksey Borodavkin və KTMT-də Rusiya Federasiyasının daimi nümayəndəsi Viktor Vasileyev tərəfindən təmsil olunub.

Müstəqil Dövlətlər Birliyinin Baş katibi Sergey Lebedev və Şanxay Əməkdaşlıq Təşkilatının Baş katibi Canq Minq də KTMT Kollektiv Təhlükəsizlik Şurasının genişləndirilmiş iclasına dəvət olunublar.