Azərbaycan News Agency

Lazzarini qeyd edib ki, dünən İsrail təhlükəsizlik qüvvələrinin UNRWA-nın Şərqi Qüdsdəki kompleksinə daxil olaraq nəzarəti ələ alması, BMT bayrağını endirib İsrail bayrağını qaldırması son dərəcə həssas bir vəziyyət yaradıb və narahatedici presedent formalaşdırıb.

O vurğulayıb ki, bu addımlar BMT Nizamnaməsində və BMT-nin İmtiyaz və Toxunulmazlıqlar haqqında Konvensiyasında müəyyən edilmiş öhdəliklərin açıq şəkildə nəzərə alınmaması deməkdir və beynəlxalq hüquq sisteminin bütövlüyünə xələl gətirir.

“Bu hadisə beynəlxalq ictimaiyyət üçün ciddi xəbərdarlıqdır. Unutmaq olmaz ki, bu gün UNRWA-nın üzləşdiyi vəziyyət sabah dünyanın istənilən yerində başqa bir beynəlxalq qurumu və ya diplomatik missiyanı təsirləndirə bilər.”

Lazzarini əlavə edib: “Beynəlxalq hüquqa qarşı artan təzyiqlər və pozuntular qəbuledilməzdir; bunların dayandırılması üçün birgə səylər gücləndirilməlidir.”