Azərbaycan News Agency

Lazzarini qeyd edib ki, müharibə başlayandan bəri (1,5 il əvvəl) İsrail rəsmiləri beynəlxalq medianın Qəzzaya daxil olaraq müstəqil xəbər yaymasına icazə vermirlər.

O bildirib ki, bu vəziyyət təbliğatı, yanlış məlumatlandırmanı və qeyri-insaniləşdirməni alovlandırır və əlavə edib:

“Fələstinli jurnalistlər yüksək bədəllər ödəyərək qəhrəmancasına işlərini davam etdirirlər – indiyədək 170 nəfər öldürülüb. Eyni zamanda, yardım təşkilatlarının etibarlı hesabatları və şahid ifadələri gözdən salınır və sual altına alınır.”

Lazzarini vurğulayıb ki, münaqişə zamanı məlumat axınının azadlığı və müstəqil jurnalistika həqiqət və hesabatlılıq üçün həyati əhəmiyyət daşıyır. “Qəzza istisna olmamalıdır. Beynəlxalq medianın Qəzzaya daxil olması üçün zaman çoxdan çatıb.”