Azərbaycan News Agency

Makron, Livan Prezidenti Cozef Aoun və Baş Nazir Nəvaf Salam ilə görüş keçirdiyini açıqlayıb.

O qeyd edib ki, Fransanın tam şəkildə iştirak etdiyi BMT-nin Livandakı Müvəqqəti Qüvvələrinin (UNIFIL) mandatı yekdilliklə yenilənib və bunun müsbət qarşılanan mühüm bir siqnal olduğunu bildirib.

Makron, dövlətin güc tətbiqi üzərindəki inhisarını bərpa etmək üçün Livan rəhbərliyinin atdığı cəsarətli addımları yüksək qiymətləndirdiyini deyərək əlavə edib:

“Livan hökumətini bu məqsədlə Nazirlər Kabinetinə təqdim ediləcək planı qəbul etməyə təşviq edirəm. Mənim şəxsi nümayəndəm Jan-İv Le Drian plan qəbul edildiyi andan etibarən Livana gedəcək və prioritetlərimiz üzrə rəsmilərlə birlikdə işləyəcək. İsrail qüvvələrinin Cənubi Livandan tam çıxarılması və Livan suverenliyinə bütün pozuntuların dayandırılması bu planın həyata keçirilməsi üçün əsas şərtlərdir. Fransa, İsrail işğalı altında qalan mövqelərin təhvil verilməsində rol oynamağa hazır olduğunu daim bəyan edib.”

Makron vurğulayıb ki, Livanın təhlükəsizliyi və suverenliyi yalnız onun rəsmilərinin əlində olmalıdır və belə nəticə çıxarıb: “Təhlükəsizliyin bərpası, suverenliyin təsdiqi, rifahın yenidən qurulması: bu, Livan üçün istədiyimiz gələcəkdir və biz həmişə şam ağaclarının davamlı gücünə sadiq qalacağıq.”