Azərbaycan News Agency

Kansler Mers İsrailin təhlükəsizliyi və mövcudluq hüququnun Almaniya dövlət siyasətinin bir hissəsi olduğunu bildirib.

Netanyahuyla telefon danışığında bunu vurğulayan Mers deyib: “Fələstin İslam Müqavimət Hərəkatı bütün girovları azad etməli və silahlarını təhvil verməlidir. Girovların azad edilməsi və atəşkəsin əldə olunması üçün tezliklə razılıq əldə ediləcəyinə ümid edirəm.”

Mers, Qəzza zolağına kifayət qədər humanitar yardım çatdırılmasının və mülki əhaliyə təhlükəsiz şəkildə paylanmasının vacibliyinə diqqət çəkərək əlavə edib: “Almaniya hökuməti üçün danışıqlara əsaslanan iki dövlətli həll İsraillilər və fələstinlilər arasında dinc yanaşı yaşamanın ən yaxşı şansıdır.”