Azərbaycan News Agency

Monteneqro Prezidenti Yakov Milatoviç küçələrdə artan zorakılıq və cinayətkar dəstələr arasında toqquşmalar səbəbindən Müdafiə və Təhlükəsizlik Şurasını təcili iclasa çağırıb.

Milatoviç bildirib ki, iclas qanunla nəzərdə tutulan ən qısa müddətdə keçiriləcək və əlavə edib: “Şura üzvləri olan Parlament sədri və Hökumət başçısından başqa, təhlükəsizlik məsələlərinə cavabdeh olan hökumət nümayəndələri, eləcə də Polis İdarəsi və Milli Təhlükəsizlik Agentliyi kimi əsas təhlükəsizlik qurumlarının rəhbərləri də iclasa dəvət olunacaqlar.”

Iclasla bağlı Milatoviç bunları söylədi:

“Müvafiq qurumlardan mövcud vəziyyətin ətraflı qiymətləndirilməsini və ictimai təhlükəsizliyin təmin olunması və qorunması üçün aydın, qəti və dərhal tətbiq oluna biləcək tədbirlərin təqdim olunmasını tələb edirəm. Vətəndaşlar dövlətin onların yanında olduğuna əmin olmalıdırlar. Vəziyyətin ciddiliyini nəzərə alaraq, dəvət olunan bütün üzvlərin və iştirakçıların iclasda tam tərkibdə iştirak etmələrini gözləyirəm.”