Azərbaycan News Agency

Pakistan Baş nazirinin müavini və Xarici İşlər naziri Dar Azərbaycan Xarici İşlər naziri Ceyhun Bayramovla telefonla danışıb.

Telefon danışığı zamanı qarşılıqlı maraq doğuran məsələlər və ikitərəfli əməkdaşlıq müzakirə olunub. Hər iki lider ölkələr arasında strateji tərəfdaşlığı təsdiqləyərək, yaxın və qardaşlıq münasibətlərinin daha da möhkəmləndirilməsi istiqamətində birgə səylərdən məmnun olduqlarını bildiriblər.

Onlar, həmçinin BMT və İslam Əməkdaşlıq Təşkilatı başda olmaqla, çoxtərəfli platformalarda ölkələr arasında fəal əməkdaşlığın davam etdirilməsindən məmnunluqlarını ifadə ediblər.