Azərbaycan News Agency

Müqavilənin gələn həftə imzalanması planlaşdırılırdı. BlackRock, dünyanın 43 limanında payı olan Honq Konq mənşəli CK Hutchison şirkətinin nəzarət paketini alacaqdı.

Hazırda bu razılaşma Çin rəqabət orqanları tərəfindən dayandırılıb.

Xəbərdə bildirilir ki, bu cür mülkiyyət dəyişikliyi ABŞ prezidenti Donald Trampın Panama Kanalını yenidən ABŞ-a qaytarmaqla hədələməsindən sonra “regionda gərginliyi azaltmaq üçün bir yol” kimi qiymətləndirilirdi.

Financial Times daha əvvəl ABŞ şirkətinin Panama Kanalındakı iki əsas limanı alacağını yazmışdı.

Amerikalı investorların açıqlamasına görə, CK Hutchison əməliyyatları BlackRock, Global Infrastructure Partners və Terminal Investment daxil olmaqla bir konsorsiuma satmağı planlaşdırır.

Bu arada Panama Prezidenti ABŞ-ın Panama Kanalına nəzarəti bərpa edəcəyi iddialarını təkzib edib.

Panama Prezidenti Xose Raul Mulino deyib: “Tramp yalan danışır. Panama Kanalı qaytarılmaqda deyil və bu, nazir Rubio və ya başqa biri ilə müzakirə etdiyimiz məqsəd deyil.”