Azərbaycan News Agency

Türkiyə Prezidentinin Kommunikasiya İdarəsinin yaydığı məlumata görə, Prezident Rəcəb Tayyib Ərdoğan Misir Prezidenti Əbdülfəttah əs-Sisi ilə telefonla danışıb.

Görüşdə Türkiyə ilə Misir arasında ikitərəfli münasibətlər, regional və qlobal məsələlər müzakirə olunub.

Prezident Ərdoğan görüş zamanı Türkiyə və Misirin regionla bağlı məsələlərdə koordinasiyalı şəkildə hərəkət etməsinin vacibliyini vurğulayıb. O, İsrailin Qəzzədə elan olunan atəşkəsi pozmasından sonra bölgədə yenidən başlayan soyqırımın tezliklə dayandırılmasının və davamlı atəşkəsin və sülhün təmin edilməsinin vacibliyini qeyd edib və bu məsələdə Türkiyə ilə Misirin birlikdə çalışmasının faydalı olacağını bildirib.

Görüşdə Ərdoğan Türkiyənin Fələstin xalqının yanında olmağa davam edəcəyini, humanitar yardımların Əl-Ariş limanına göndərilməsinin davam etdiriləcəyini bildirib və Misirin dəstəyinə görə təşəkkürünü ifadə edib. O, həmçinin Sisini Ramazan bayramı münasibətilə təbrik edib.