Azərbaycan News Agency

Qebreyesus xatırladıb ki, Qaziantep mərkəzi on ildən artıq müddətdə ÜST-ün Suriyadakı humanitar fəaliyyətlərinin əsas dayağı olub və münaqişə şəraitində yerli icmalara səhiyyə dəstəyinin çatdırılmasında həlledici rol oynayıb.

O bildirib ki, 2023-cü ilin əvvəlində İdlibə səfəri zamanı müharibə səbəbindən dünyadan təcrid olunmuş və tamamilə xarici tibbi yardımdan asılı olan milyonlarla məcburi köçkünün vəziyyətini yerində görüb.

Qebreyesus vurğulayıb ki, yüzlərlə ÜST əməkdaşı və səhiyyə tərəfdaşı Qaziantepdə tək bir məqsədlə çalışıb: “Milyonlarla ehtiyac sahibinə qərəzsiz və müstəqil tibbi dəstək göstərmək”.

O, mərkəzin bağlanmasının ÜST-ün Suriyanın şimal-qərbinə dəstəyinin sona çatması anlamına gəlmədiyini, mövcud proqramların və institut təcrübəsinin ÜST-ün Suriya ofisinə köçürüldüyünü qeyd edib.

Açıqlamasının sonunda o, bütün əməkdaşlara təşəkkür edib: “Qaziantep mərkəzində çalışan və Suriyada insanların sağlamlığını qorumağa davam edən bütün həmkarlarıma minnətdaram. Onlarla fəxr edirəm.”