Qebreyesus: Səhiyyə yardımlarında 40% azalma gözlənilir
Cenevrə, 6 avqust (Hibya) – Ümumdünya Səhiyyə Təşkilatının (ÜST) Baş direktoru Tedros Adhanom Qebreyesus səhiyyə yardımlarının əhəmiyyətli dərəcədə azalacağı barədə xəbərdarlıq edib və güclü səhiyyə sistemləri üçün siyasi iradə və milli büdcələrin əhəmiyyətini vurğulayıb.
ÜST Baş direktoru Qebreyesus bu il səhiyyə yardımlarında 40%-ə qədər azalma gözlənildiyini bildirib.
O qeyd edib ki, bu “tədrici dəyişiklik deyil, uçurumun kənarıdır”.
Qebreyesus qlobal səhiyyə böhranının təsirlərini belə ifadə edib: “Həyat qurtaran dərmanlar anbarlarda qalıb, tibb işçiləri işlərini itirir, klinikalar bağlanır və milyonlarla insan əsas səhiyyə xidmətlərindən məhrum qalır”.
O bildirib ki, bu böhran eyni zamanda bir fürsətdir: “Bu böhranda bir imkan da var. Və ilk vacib addım ən yüksək səviyyədə siyasi iradədir”.
Baş direktor qeyd edib ki, güclü və dayanıqlı səhiyyə sistemlərinin maliyyələşdirilməsi hökumətlərin məsuliyyətindədir və səhiyyə üçün ən effektiv və ədalətli maliyyə mənbəyi milli büdcələrdir.
Qebreyesus maliyyələşmə ilə yanaşı struktur islahatların da vacibliyini vurğulayaraq, Lusaka Gündəliyi çərçivəsində ölkələrin investisiya yönümlü və dayanıqlı səhiyyə sistemlərinə nail olmasının vacibliyini qeyd edib.
ÜST Baş direktoru, həmçinin, qitədə səhiyyənin maliyyələşdirilməsi və idarə olunması üçün yeni yol müəyyən etməyə çalışan Afrika Səhiyyə Suverenliyi Zirvəsinə rəhbərlik etdiyi üçün Qana Respublikasının sabiq prezidenti Con Dramani Mahamaya təşəkkür edib.
Azərbaycan İnformasiya Agentliyi
Facebook
Tweeter
Whatsapp
