Azərbaycan News Agency

Nazirliyin bəyanatında, bir çox mülki və hərbi şəxsin yaralanmasına səbəb olan İsrailin Suriyadakı beş məkana hava hücumlarının sərt şəkildə qınandığı bildirilib.

Bəyanatda Qətərin bu hücumları Suriyanın suverenliyinin və beynəlxalq hüququn açıq şəkildə pozulması kimi qiymətləndirdiyi vurğulanıb.

Xarici İşlər Nazirliyi beynəlxalq ictimaiyyəti İsraili beynəlxalq hüquqa əməl etməyə və Suriyanın ərazisinə təkrarlanan hücumlarını dərhal dayandırmağa çağırıb və bölgədə gərginliyin artması riskinə qarşı xəbərdarlıq edib.

Bəyanatda Qətər hökumətinin Suriyanın suverenliyinə, müstəqilliyinə və ərazi bütövlüyünə, eləcə də Suriya xalqının təhlükəsizlik və sabitlik arzusuna sarsılmaz dəstəyini bir daha ifadə etdiyi qeyd olunub.