Rusiya raketləri Kiyevi vurdu: ən azı 8 ölü, 38 yaralı
Stokholm, 28 avqust (Hibya) – Kiev Independent-ın məlumatına görə, avqustun 27-nə keçən gecə Rusiya Ukrayna şəhərlərinə genişmiqyaslı hava hücumu həyata keçirib, Kiyevi raketlərlə vurub və cəbhə xəttindən uzaq bölgələri hədəf alıb.
Rəsmilər hücum nəticəsində azı səkkiz nəfərin, o cümlədən 14 yaşlı bir uşağın həlak olduğunu bildirib.
Kiyev meri Vitali Kliçko 38 nəfərin də yaralandığını və onlardan 30-nun xəstəxanaya yerləşdirildiyini söyləyib. Yaralananlar arasında bir neçə uşaq da var.
Bütün Ukrayna üzrə hava hücumu siqnalları eşidilib və Rusiya gecə ərzində hipersəs raketləri və çoxsaylı dron dalğaları buraxdığından demək olar ki, bütün bölgələrdə sakinlərə sığınacaqlara girmələri çağırışı edilib.
Rusiyanın Kiyevi dronlar və ballistik raketlərlə vurması binalara ziyan vurub, şəhərdə partlayışlara səbəb olub. Beşmərtəbəli yaşayış binası birbaşa zərbə alaraq tamamilə dağılıb.
Kiyev Şəhər Hərbi İdarəsinin rəhbəri Timur Tkaçenko bildirib ki, Kiyevdə ilk partlayışlar saat 21:30 radələrində eşidilib, gecə yarısı başqa bir dron qrupunun şəhərə yaxınlaşması ilə hava hücumundan müdafiə yenidən işə düşüb.
Azərbaycan İnformasiya Agentliyi
Facebook
Tweeter
Whatsapp
