Azərbaycan News Agency

ABŞ Geoloji Xidmətinin (USGS) məlumatına görə, zəlzələnin episentri Petropavlovsk-Kamçatsk şəhərindən təxminən 111 kilometr şərqdə və 39,5 kilometr dərinlikdə olub.

Region qubernatoru Vladimir Solodov Telegram kanalında bildirib ki, yarımadanın şərq sahillərində güclü zəlzələdən sonra Kamçatkada sunami təhlükəsi elan edilib.

Regional Fövqəladə Hallar Nazirliyinin hesablamalarına görə, yaşayış məntəqələrində dalğaların hündürlüyü "Aleut Bələdiyyə Rayonunda 26 santimetrdən, Ust-Kamçatski Bələdiyyə Rayonunda 37 santimetrdən və Petropavlovsk-Kamçatski Şəhər Rayonunda 9 santimetrdən artıq olmayacaq". Ən yüksək dalğalar Mayaçnı burn ``` u və Xalaktrski çimərliyi ərazisində 120 santimetrə qədər çata bilər.

Sakinlərə sahildən uzaqlaşmaları tövsiyə olunub. Sahil sularında olan gəmilərə isə "50 metrlik izobatanın kənarına çıxaraq sahil xəttinə perpendikulyar istiqamətdə okeana hərəkət etmələri" tövsiyə edilib.

Qubernator vətəndaşları sakit olmağa və rəsmi mənbələrdən gələn məlumatlara diqqət yetirməyə çağırıb.

Yujno-Saxalinsk Seysmik Stansiyasının rəhbəri Yelena Semenova bildirib ki, Severo-Kurilski rayonunda da sunami təhlükəsi elan olunub. Saxalin Regionu Fövqəladə Hallar Nazirliyinin Baş İdarəsinin məlumatına görə, 0,5 metr hündürlüyündə dalğanın saat 15:07-də Paramuşir və Şumşu adalarına çatacağı gözlənilir.

Şənbə günü Kamçatkanın şərq sahillərində 6,3 (başqa mənbələrə görə 7,7) maqnitudalı zəlzələ baş verib və təkanlar yarımadanın yaşayış məntəqələrində hiss olunub. Geofizika xidmətinə görə, episentr Petropavlovsk-Kamçatsk şəhərindən 123 kilometr aralıda olub. Zəlzələnin ocağı isə 46,8 kilometr dərinlikdə yerləşib.