Azərbaycan News Agency

Fələstin Xarici İşlər Naziri və Miqrasiya üzrə Dövlət Naziri Dr. Farsin Agabikian Şahin, Şimali Avropa ölkələrinə səfəri çərçivəsində ikitərəfli münasibətləri gücləndirmək və Beynəlxalq Sülh Konfransına dəstək göstərmək məqsədilə Finlandiya Xarici İşlər Nazirliyində siyasi məsləhətləşmə sessiyası keçirib.

Görüşdə Finlandiya Xarici İşlər Nazirliyinin Daimi Dövlət Katibi Yukka Salovaara və Xarici və Təhlükəsizlik Siyasəti üzrə Dövlət Katibi Outi Holopainen də iştirak ediblər.

Görüşün əvvəlində nazir Şahin Qəzza zolağındakı vəziyyətlə bağlı ətraflı təqdimat edib. O, işğalçı qüvvələrin Fələstin xalqına qarşı həyata keçirdiyi soyqırım və məcburi köçürməyə, etnik təmizləmə prosesinə, infrastrukturun sistemli şəkildə məhv edilməsinə, aclığın müharibə silahı kimi istifadəsinə, xəstəxanaların hədəf alınmasına və ərzaq, su və dərmanların qarşısının alınmasına diqqət çəkib.