Azərbaycan News Agency

Ukraynanın xarici işlər naziri Sıbiha, Niderlandın xarici işlər naziri Kaspar Veldkamp ilə telefon danışığı aparıb.

Ukraynanın hava hücumundan müdafiəsini gücləndirmək məqsədilə başlanmış ABŞ-NATO “Ukraynanın Prioritet Ehtiyaclar Siyahısı” təşəbbüsünə verdiyi töhfəyə görə Niderland hökumətinə minnətdarlığını ifadə edən Sıbiha deyib:

“Ədalətli sülhün təmin edilməsinə yönəlmiş son diplomatik hadisələrə diqqət yetirdik. Həmkarımla birlikdə hesab edirik ki, davamlı sülh yalnız transatlantik birlik, dərhal atəşkəs və Rusiyaya qətiyyətli təzyiq vasitəsilə əldə oluna bilər. Ukrayna, Rusiyanın müharibəsinə son qoymaq üçün ABŞ-ın səylərini yüksək qiymətləndirir və mövqelərin əlaqələndirilməsi üçün bütün tərəfdaşlarla sıx əməkdaşlığı davam etdirir.”

Sıbiha əlavə edib: “Niderlandın hərtərəfli liderliyinə və qətiyyətli dəstəyinə görə minnətdarıq. Niderland kimi dostlarımız olduğu halda, müstəqilliyimizi və azadlığımızı müdafiə edən yeganə ölkə biz deyilik.”