Azərbaycan News Agency

İtaliyanın xarici işlər naziri Antonio Tajani polşalı həmkarı Radoslav Sikorski ilə Avropa və Yaxın Şərqdəki böhranlar barədə fikir mübadiləsi aparıb.

Tajani bildirib: “İtaliya və Polşa Avropa və Yaxın Şərqdəki əsas böhranlar üzrə birlikdə işləmək istəyir.”

İran və Livandakı prosesə toxunan Tajani deyib: “Aparılan danışıqlar fasiləsiz və yeni hərbi addımlar olmadan davam etməlidir.” O əlavə edib: “Bu proses Avropa və region üçün davamlı sülh baxımından həyati əhəmiyyət daşıyır.”

Ukraynadakı müharibə ilə bağlı da danışan Tajani qeyd edib: “Rusiya həqiqi danışıqlar prosesinə keçməlidir.” Məsələnin iyunun 15-də Lüksemburqda keçiriləcək Avropa İttifaqı Xarici İşlər Şurasının iclasında müzakirə olunacağı bildirilib.