Azərbaycan News Agency

Tramp bu qərarını sosial media platformasında paylaşdığı bir ismarıcla açıqlayıb. Paylaşımda sualtı qayıqların dəqiq olaraq hara gedəcəyi və ya hansı imkanlara malik olduqları qeyd olunmayıb.

“Hazırda Rusiya Federasiyasının Təhlükəsizlik Şurası sədr müavini və keçmiş prezidenti olan Dmitri Medvedevin çox təxribat xarakterli açıqlamaları səbəbindən bu cür axmaq və təxribatçı açıqlamaların davamı ehtimalına qarşı iki nüvə sualtı qayığının uyğun bölgələrə yerləşdirilməsini əmr etdim,” – deyə Tramp yazıb.

“Sözlər çox önəmlidir və çox zaman gözlənilməz nəticələrə səbəb ola bilər. Ümid edirəm ki, bu belə hallardan biri olmaz,” – deyə əlavə edib.

Cümə günü günortadan sonra Ağ Evi tərk edərkən Tramp bu məsələ ilə bağlı daha ətraflı danışıb.

“Bunu etmək məcburiyyətində idik. Sadəcə diqqətli olmalıyıq. Bir təhdid irəli sürüldü və biz bunu uyğun hesab etmədik. Ona görə də çox ehtiyatlı olmalıyam. Bunu xalqımızın təhlükəsizliyi naminə edirəm,” – deyə jurnalistlərə bildirib.

O əlavə edib: “Keçmiş bir Rusiya prezidenti tərəfindən təhdid edildi və biz xalqımızı qoruyacağıq.”

Ağ Ev sualtı qayıqların nə vaxt yerləşdirildiyi, bu hərəkətin hər hansı bir tapşırığa əsaslanıb-əsaslanmadığı və sualtı qayıqların nüvə silahı daşıyıb-daşımadığı ilə bağlı məlumat verməyib.

Ağ Evin bir rəsmisi bütün bunların “strateji qeyri-müəyyənlik” planının bir hissəsi olduğunu deyərək ətraflı məlumat verməkdən imtina edib.

Müdafiə Nazirliyi də heç bir açıqlama verməyib və jurnalistlərin bütün suallarını Ağ Evə yönəldib.