Azərbaycan News Agency

ABŞ prezidenti Donald Tramp İsrail parlamentində (Knesset) çıxışı zamanı etirazla qarşılanıb.

Hadash-Ta’al Partiyasının lideri Ayman Ode, Trampın çıxışı zamanı “Fələstini tanı” yazılmış plakat qaldırdığı üçün Knessetin plenar iclasından çıxarılıb. Tramp çıxışına “Çox fəal idi” deyərək davam edib.

Tramp Knessetdəki çıxışında deyib:

“Bu gün çox gözəl bir gündə bir araya gəlmişik. Yenilənmiş imanla Allaha şükür etmək üçün toplaşmışıq. İki dəhşətli ildən sonra girovlarımız ailələri ilə yenidən birləşir. Hazırda 20 girov evlərinə qayıdır. Silahlar susdu və nəhayət günəş sakit Müqəddəs Torpaqlar üzərində doğur. Bu yer əbədi sülh içində qalacaq. Bu, təkcə bir müharibənin deyil, həm də terror dövrünün sonudur.

Yeni bir Yaxın Şərq formalaşır. Mən qeyri-adi cəsarət göstərdiyi üçün Netanyahuya təşəkkür etmək istəyirəm.

Onunla işləmək asan deyil, amma onu möhtəşəm edən də elə budur. Mən həmçinin ərəb və islam dünyasına təşəkkür etmək istəyirəm. Girovların azad edilməsində kömək etdilər. Bir çox insan bizə dəstək oldu. Biz sülh naminə birlikdə çalışdıq. Bunu görmək heyrətamizdir. Biz fövqəladə zamanlarda yaşayırıq. Bu gün hər şeyin dəyişməyə başladığı an kimi xatırlanacaq.”