Azərbaycan News Agency

ABŞ Prezidenti Donald Tramp bildirib ki, İsrail və İran arasında tezliklə sülh olacaq.

Tramp İran və İsrailin razılığa gəlməli olduğunu vurğulayaraq deyib:

“İran və İsrail razılaşmalıdır və razılaşacaqlar – tıpkı mənim Hindistan və Pakistanı razılaşdırdığım kimi. Həmin vəziyyətdə ABŞ-la ticarətdən istifadə edərək məntiqlə, uyğunluqla və sağlam düşüncə ilə masa arxasına gəldik və iki böyük liderlə apardığım danışıqlarla tez bir qərar qəbul edilərək sakitlik təmin olundu.

Bundan başqa, ilk prezidentliyim dövründə Serbiya və Kosovo yenidən isti qarşıdurmanın astanasında idi və bu uzunmüddətli münaqişə demək olar ki, müharibəyə çevrilmək üzrə idi. Mən bunu dayandırdım. Bayden bəzi çox axmaq qərarlarla uzunmüddətli sülh ümidlərinə zərər verdi, amma mən bunu yenidən düzəldəcəyəm.

Başqa bir nümunə isə Misir və Efiopiya arasında güclü Nil çayı üzərində olan böyük bənd məsələsi idi. Mənim müdaxiləm nəticəsində orada heç olmasa hələlik sülh var – və bu belə davam edəcək!

Eyni şəkildə, İsrail və İran arasında da tezliklə sülh olacaq! Hazırda bir çox danışıqlar və təmaslar aparılır. Mən çox iş görürəm, amma heç vaxt qiymətləndirilməyirəm – problem deyil, xalq bunu anlayır. Biz Yaxın Şərqi yenidən möhtəşəm edəcəyik!"