Azərbaycan News Agency

Prezidentin danışıqları ilə tanış olan bir mənbə CNN-ə bildirib ki, Donald Tramp gələn həftəki son tarixdən əvvəl bu ölkələrə təklif edilən gömrük rüsumlarını yumşalda biləcək xüsusi ticarət razılaşmalarını müzakirə etmək üçün Vyetnam, Hindistan və İsrail nümayəndələri ilə əlaqə saxlayır.

Tramp ilə bu ölkələr arasında əlaqə bu dövlətlərin Trampa necə cavab verəcəklərinə dair strategiyalar hazırlaması ilə ilk danışıqlar dalğası kimi qiymətləndirilir.

Çin və Kanada kimi bəzi ölkələr artıq qarşılıqlı tədbirlər planlarını elan ediblər. Ağ Evin yüksək rütbəli məmuruna görə, qarşılıqlı gömrük rüsumları 9 aprel tarixində qüvvəyə minəcək.

Ticarət məsələləri üzrə yüksək vəzifəli şəxs Piter Navarro və vitse-prezident JD Vance yeni gömrük rüsumlarının qlobal ticarətdə qalıcı bir sıfırlama olduğunu iddia etsə də, Trampın ətrafındakılardan bəziləri onun razılaşma əldə etməyə meyilli olduğunu qəbul edirlər.

Trampın oğlu Erik Tramp X-də yazıb: "Trampla danışıqlar aparmağa çalışan son ölkə olmaq istəməzdim. İlk danışıqlar aparan qazanacaq, sonuncu isə mütləq uduzacaq. Bu filmi bütün ömrüm boyu izləmişəm."

Dünən Tramp ticarət sahəsində danışıqlara açıq olduğunu bildirdi.

O deyib: "Hər bir ölkə bizə zəng edib. Etik etdiyimiz işin gözəlliyi bundadır – sükan arxasında biz oturmuşuq. Yaxşı bir şey təklif etdikləri müddətcə. Məsələn, TikTok məsələsində, TikTok ilə Çin yəqin deyəcək: 'Razılaşmanı təsdiqləyəcəyik, amma tariflərlə bağlı nəsə edəcəksiniz?' Tariflər bizə danışıqlar üçün böyük güc verir. Həmişə belə olub."