Azərbaycan News Agency

Ukrayna Prezidenti Volodimir Zelenskiy Azərbaycan Prezidenti İlham Əliyevlə keçirdiyi görüş barədə açıqlama verərək, xalqına göstərdiyi dəstək və başsağlığına görə Əliyevə təşəkkür edib.

Zelenskiy bildirib: “Azərbaycan Prezidenti İlham Əliyevlə danışdım. Xalqımıza verdiyi dəstəyə və başsağlığına görə ona minnətdaram. Dünən gecə ruslar ukraynalılara qarşı yüzlərlə PUA və ballistik raketdən istifadə etdilər. Təəssüf ki, Azərbaycan səfirliyi də daxil olmaqla dağıntılar və zərər meydana gəldi. Cənab Prezident hücumu qınadı və rusların səfirlik binasını və Azərbaycanla bağlı digər yerləri ilk dəfə hədəf almadığını vurğuladı. Biz həmçinin ikitərəfli münasibətləri və tərəfdaşlığımızın inkişafını müzakirə etdik. Əməkdaşlığımızın bütün sahələrində həqiqi yaşıl işıq var. Güclü potensial mövcuddur və biz bunu reallaşdıracağıq. Təşəkkür edirəm.”