Azərbaycan News Agency

OCHA-nın açıqladığı məlumatlara görə, 2024-cü ildə dünyada 383 humanitar yardım işçisi xidmətdə və ya evlərində həlak olub. Bu rəqəm indiyədək qeydə alınan ən yüksək itki olaraq tarixə düşüb.

Xüsusilə Qəzzədə davam edən münaqişələr zamanı BMT-yə bağlı Fələstinli Qaçqınlara Yardım Agentliyinin (UNRWA) əməkdaşları çətin şəraitə baxmayaraq humanitar fəaliyyətlərini davam etdiriblər. UNRWA bildirib ki, bu dövrdə bir çox əməkdaşı həlak olub və yardım işçilərinin insanlıq naminə göstərdiyi səyləri vurğulayıb.

UNRWA-nın bəyanatında qeyd olunub: “Ehtiyac içində olan insanlara həyati dəstək göstərməyə davam edən çoxlu sayda həmkarımız bu yolda ən ağır bədəli ödəyib. Onlar insanlıq naminə hərəkət ediblər.”