Yakutiyada sərnişin avtobusunun dərəyə aşması nəticəsində 14 nəfər ölüb
Moskva, 21 iyul (Hibya) – Rusiyanın Yakutiya bölgəsində mədənə işçiləri daşıyan avtobus dərəyə aşaraq 14 işçinin həyatını itirməsinə səbəb olub.
Yakutiya Daxili İşlər Nazirliyi bildirib ki, sürücü nəqliyyat vasitəsinə nəzarəti itirib və avtobus təxminən 25 metr yüksəklikdən yoldan çıxaraq dərəyə düşüb.
Nazirliyin məlumatına görə, avtobusda 36 nəfər olub və onlardan 14-ü, o cümlədən sürücü həlak olub. Səhiyyə Nazirliyinə əsasən, 20 nəfər xəstəxanaya yerləşdirilib.
Fövqəladə Hallar Nazirliyi isə "növbə avtobusunda" 35 nəfərin olduğunu, yeddi yaralıdan ikisinin vəziyyətinin ağır olduğunu və 14 nəfərin əlavə tibbi müayinədən keçdiyini bildirib.
Azərbaycan İnformasiya Agentliyi
Facebook
Tweeter
Whatsapp
