Azərbaycan News Agency

Zaxarova qeyd edib ki, Kiyev rejimi Rusiya və ABŞ prezidentlərinin razılığı və Zelenskinin dəstəyi ilə enerji obyektlərinə hücumlara qarşı elan olunan 30 günlük moratoriumu görməməzlikdən gəlməyə davam edir.

Sözçü deyib: “Ukrayna qüvvələri Rusiyanın yanacaq və enerji infrastrukturlarına demək olar ki, hər gün dron hücumları həyata keçirir.”

O əlavə edib ki, 15 aprel tarixində ukraynalı neo-nasistlər Kursk və ətrafındakı mülki şəxslərə qarşı kamikadze dronlardan istifadə edərək gecə terror hücumu həyata keçiriblər: “Hücumlardan biri qəsdən təcili yardım stansiyasını hədəf alıb, nəticədə 11 nəqliyyat vasitəsi zədələnib.”

Zaxarova həmçinin bildirib ki, BMT-nin İnsan Hüquqları üzrə Ali Komissarı Folker Türk, yüksək vəzifəli bir BMT rəsmisinə yaraşmayan davranışlar sərgiləyir və əlavə edib: “Onun rəhbərlik etdiyi ofisin fərqləndirici xüsusiyyəti ‘ikili standartların’ tətbiqinə çevrilib.”