Azərbaycan News Agency

Prezident Zelenski bildirib ki, Ukrayna səlahiyyətləri çərçivəsində birgə sanksiyaların sinxronlaşdırılmasını davam etdirir və Aİ-nin Rusiyaya qarşı 19-cu sanksiya paketi artıq Ukraynada qüvvədədir.

O əlavə edib ki, Aİ sanksiyalarının İttifaqdan kənarda olan digər Avropa ölkələrinin yurisdiksiyalarına da şamil edilməsi üzərində iş aparılır və qeyd edib:

“Bu, xüsusilə Rusiya resurslarının ixracını və Rusiyaya elektron komponentlərin tədarük planlarını hədəfləyən güclü bir paketdir. 19-cu paketinin Rusiyanın gəlirlərini məhdudlaşdırmaq baxımından illik ümumi təsirinin ən azı on milyardlarla avro olduğu təxmin edilir.”

Zelenski bildirib ki, Ukrayna Milli Təhlükəsizlik və Müdafiə Şurasına, Rusiya təbliğatı və hərbi istehsalı ilə bağlı qurumlar və onların əməkdaşları barədə müraciətlər əsasında yeni qərarlar hazırlamaq tapşırığı verib. O qeyd edib: “Bu, Rusiyanın müharibə aparmaq imkanlarını maliyyələşdirməsini məhdudlaşdırmağa kömək edir. Biz bilirik ki, tərəfdaşlarımız da təkliflərimizi öz sanksiya paketlərinə daxil edərək eyni yolu izləyəcəklər.”