Azərbaycan News Agency

Prezident Zelenski BMT Baş katibi Quterreşlə danışdığını açıqladı.

Zelenski, Rusiyanın gecə Ukraynaya etdiyi hücumda yaxınlarını itirən ukraynalı ailələrə başsağlığı və həmrəylik bildirdiyi üçün Quterreşə minnətdarlığını ifadə edərək dedi: “Bu, Rusiyanın ən böyük hücumlarından biri idi. Lazımi bütün xidmətlər hələ də ərazidə işləyir və bu hücumun nəticələrini aradan qaldırır.”

Zelenski, insan tələfatının qarşısını almaq üçün atılmalı olan addımların müzakirə olunduğunu qeyd edərək əlavə etdi:

“Ancaq Rusiya yalnız yeni şərtlər irəli sürür və təcavüzünü davam etdirir. Biz Baş katib Quterreşin atəşkəsin həqiqi sülhə gedən ilk addım olması lazım olduğu mövqeyini dəstəkləyirik. Ukraynanın ərazi bütövlüyü və suverenliyinə verdiyi açıq dəstəyə görə Baş katibə təşəkkür edirəm. Dünya beynəlxalq hüququn gücünü və BMT Nizamnaməsinin prinsiplərinə hörməti bərpa etməlidir.”