Azərbaycan News Agency

Ukrayna Prezidenti Volodimir Zelenski Estoniya ilə təhlükəsizlik və müdafiə sahələrində əməkdaşlığın gücləndirildiyini açıqlayıb.

Görüşlə bağlı fikirlərini bölüşən Zelenski Estoniyanın Baş nazirinə dövlət ordeni təqdim etdiyini bildirərək deyib: “Görüş zamanı Baş nazirə II dərəcəli Müdrik Yaroslav Ordenini təqdim etdim.”

İki ölkə arasında imzalanmış birgə bəyannaməyə toxunan Zelenski qeyd edib: “Təkmilləşdirilmiş Təhlükəsizlik və Müdafiə Əməkdaşlığı üzrə Birgə Bəyannaməni imzaladıq. Bu sənəd təcrübə mübadiləsi, müdafiə sənayesi əməkdaşlığı və hava hücumundan müdafiə kimi sahələri əhatə edir.” O əlavə edib: “Drone Deal formatında bir saziş üzərində işləməyə davam edirik.”

Zelenski Estoniyanın Ukraynaya verdiyi dəstəyə də diqqət çəkərək bildirib: “Estoniyanın PURL təşəbbüsünə töhfələrini yüksək qiymətləndiririk.” Görüş zamanı həmçinin Rusiyaya qarşı sanksiyaların gücləndirilməsi və Ukraynanın Avropa İttifaqına üzvlük prosesi müzakirə olunub.