Azərbaycan News Agency

Zelenski qeyd edib ki, Rusiya hücum PUA-larının Polşa ərazisinə müdaxiləsi ilə bağlı yeni məlumatlar daxil olub və hazırda 8 PUA-nın olduğu bilinir.

O, artan sübutların bu hücum istiqamətinin təsadüfi olmadığını göstərdiyini vurğulayıb. “Əvvəllər də Rusiya PUA-larının sərhədi keçərək qonşu ölkələrə qısa məsafə daxil olduğu hallar olub. Lakin bu dəfə biz daha genişmiqyaslı və məqsədli hədəflənməni qeydə alırıq,” – deyə Zelenski bildirib.

O, Ukraynanın bu Rusiya hücumu ilə bağlı Polşaya bütün məlumatları verməyə hazır olduğunu vurğulayıb və əlavə edib:

“Bundan əlavə, Polşanın belə rus təhdidlərinə qarşı effektiv xəbərdarlıq və müdafiə sistemi qurmasına kömək etməyə də hazırıq. Aydındır ki, rus aqressiyası bölgəmizdəki hər bir müstəqil millət üçün təhdiddir və buna görə yalnız birgə və koordinasiyalı fəaliyyət etibarlı təhlükəsizliyi təmin edə bilər.”